FELICIDADES RENATTA!
Renu, moitas felicidades! Que sigas con eses valores tan fermosos, compartindo e axudando aos demais como fixeches cos teus compañeiros. 😊
UNICORNIOS DO ARCO DA VELLA
22/6/21
ATA SEMPRE!
GRAZAS.
Quero que sexa a primeira palabra para despedir este curso tan intenso e de grandes aprendizaxes. O xel e a mascarilla acompañáronnos todo este tempo, pero non deixamos de sorrir coa mirada, de xogar, de aprender, de desfrutar de cada momento...
Familias, grazas pola comprensión, pola confianza depositada e por deixarnos ser partícipes da educación dos vosos nenos e nenas.
Compañeiros e compañeiras, foi un pracer aprender de vós e con vós. De todos e cada un levo un fermoso recordo, xa que todos deixades a vosa pegada por onde pasades.
E a vós, os verdadeiros mestres e protagonistas, nenos e nenas... Voade alto, porque podedes chegar ata onde vos propoñades, e se caedes, alzade de novo o voo máis fortes e valentes. Sede libres, sobre todo de pensamento, e respectádevos a vós mesmos e aos compañeiros de viaxe.
Ata sempre!
Edición: Juan Casado
Música: Magín Blanco
21/6/21
ABELLIÑAS
Non puidemos deixar de investigar a este extraordinario becho , que é unha das especies máis valiosas para a vida; xa que teñen un impacto moi grande na biodiversidade e ecosistemas. Son necesarias e imprescindibles na natureza.
“Para las abejas, la flor es la fuente de la vida. Para las flores, la abeja es la mensajera del amor”. Kahlil Gibran
Ollade o ben que o pasamos descubrindo un pouquiño do seu fascinante mundo. 😊
20/6/21
BO ANIVERSARIO
Esta semana celebramos o aniversario de....
ANAIS, a nosa pequena que sempre ten unha aperta e palabras bonitas para todos. Graciñas por todo o teu cariño que cada día nos enche de enerxía.
SARA, unha nena que nos deixou entrar na súa cunchiña para poder ver o marabilloso que é compartir, aprender e disfrutar con ela. Segue abrindo o teu corazón Sariña!
MANU, o noso pequeno de sorriso fermoso, que ilumina todos os días os nosos corazóns.
A TODOS ELES, MOITAS FELICIDADES!
8/6/21
31/5/21
SALTÓNS
Xa somos todos un expertos sobre estes insectos. Déixovos o vídeo da nosa investigación☺️
GRACIÑAS DE NOVO POR COLABORAR E FACER TANTAS APORTACIÓNS 😊
24/5/21
QUEIROA
QUEIROA
Que ben o pasamos coa Asociación de Música e Danza Tradicional Queiroa! Moitas grazas pola vosa visita!
Aqui vos deixo a proba de que estamos desexando repetir ☺️
17/5/21
FLORES
E aproveitando que nos trouxestes moitas flores , fixemos auga de rosas e caravel. Unha actividade manipulativa onde interviñeron moitos sentidos, pero sobre todo o do olfato. Que olor máis agradable!
XELA ARIAS
Este ano homenaxeamos a Xela Arias, poeta, tradutora, profesora, nai...
Recordando un dos seus poemas, que vos deixo a continuación, fixemos un lagarto con flores, toxos, xestas, pinos, pestalotes...
GRAZAS FAMILIAS, SEN VÓS NON SERÍA POSIBLE!
Aqui tedes actividades online que estivemos facendo na aula.
15/5/21
DÍA DA FAMILIA
A familia, a unidade básica da sociedade, onde os nenos establecen os primeiros vínculos e tamén constrúen as súas primeiras vivencias.
Hai moitos tipos de familias, pero o verdadeiramente importante, sexan cales sexan os seus membros, é o respecto e amor que nelas se forxan.
"El vínculo que te une a tu verdadera familia no es el de la sangre, sino el del respeto y la alegría que tú sientes por las vidas de ellos y ellos por la tuya" Richard Bach
Aqui vos deixo os chaveiros que fixeron os nenos, neles está representado cos seus debuxiños o seu cariño
Déixovos tamén uns contos sobre diversidade familiar. Tedes outro moi fermoso no blogue da profe María.
HOXE E TÓDOLOS DÍAS , FELICIDADES FAMILIAS!
5/5/21
XARDÍN ÉLFICO
O noso xardín élfico segue en marcha! Esta vez plantamos sementes de xirasol, pirixel e cenoria.
Aínda que xa vimos como é o ciclo dunha planta, non hai mellor xeito de aprender que experimentando😊
Cuéntame y olvido. Enséñame y recuerdo. Involúcrame y aprendo. Benjamin Franklin.
26/4/21
XOANIÑAS
Estes días estivemos descubrindo moitas cousas sobre estes bechos tan queridos polos agricultores por ser uns estupendos insecticidas naturais que coidan das nosas hortalizas e verduras. Ademais son moi atractivos para nós polas súas fermosas cores, puntiños ou formas, pero non tanto para os depredadores...
Se queredes saber máis preguntádelles aos nosos pequenos expertos ou entomólogos. ☺️
GRAZAS POLAS VOSAS APORTACIÓNS 😊
22/4/21
XARDÍN ÉLFICO
Todo se vai enchendo de flores, de luz, saen os bechiños dos seus agochos e a vida flúe por tódolos recunchos!
Tamén é o momento de plantar, e neste caso verduras, así seguro que a melancolía élfica de Odonata se vai curando.
O noso xardín élfico está en marcha!!
12/4/21
9/4/21
2/4/21
Hoxe é o día mundial da concienciación sobre o Autismo, unha condición neurolóxica que afecta á forma que unha persoa percibe e socializa con outras.
Son nenos e nenas especiais, que precisan cariño e comprensión, que coñezamos o seu marabilloso mundo interior e os axudemos a coñecer o noso.
"Lo mejor que el mundo tiene, está en los muchos mundos que el mundo contiene" Eduardo Galeano
No blogue "CON RUMBO" do noso Departamento de Orientación podedes atopar máis información.
26/3/21
12/3/21
11/3/21
Esta semana comezamos a investigar xunto con Odonata sobre estes insectos tan sociais que viven en grandes colonias.
Tivemos unha sorpresa, xa que temos o noso formigueiro na aula! Estes días non saen moito porque están hibernando , pero prontiño as poderemos ver en movemento en canto veña o calorciño.
8/3/21
FELIZ DÍA DA MULLER
Feliz día a aquelas que son valentes, ás que se senten débiles en moitos momentos, ás que loitan polos seus soños, ás que aman, ás que rin, ás que choran, ás doutoras, ás pilotos, ás condutoras, ás banqueiras, ás mestras...
E a cada unha de vós, mamás, avoas, que sodes as verdadeiras superheroínas, xa que cos vosos poderes calmades choros, consolades corazóns , curades feridas, sacades sorrisos, apoiades soños.... GRAZAS
A música de fondo é a canción do rap de Illa Fantasía coa voz de Espe, a nosa mestra da Illa☺️
PREME AQUI para coñecer as mulleres poderosas da Illa.
6/3/21
27/2/21
Aqui vos deixo outra proposta de inverno. Nela traballamos habilidades motoras , posto que picamos un pouqUiño e recortamos. Fixemos trazos traballando a direccionalidade e logo pegamos as distintas partes do boneco recoñecendo figuras xeométricas: círculo, triángulo e rectángulo.
Para rematar puxémoslle ollos, botóns, nariz...
Non me poden gustar máis! Cada un é único e diferente, coma os nosos nenos😊💛
24/2/21
23/2/21
12/2/21
QUE GUAPOS E QUE GUAPAS VIÑEMOS! Este día podemos ser chase, mickey, superman, magos... pero realmente os nenos poden selo calquera día, porque unha vez máis ensínannos que a ilusión, os soños e a fantasía forman parte do seu ser.
Ademais tocamos os nosos tambores. Mirade que chulos nos quedaron!!
Con eles acompañamos a banda sonora da "chirigota" que podedes escoitar PICANDO AQUI.
E xogamos ao bingo do Entroido!
Graciñas a inteletandoenmiaula por compartir.
AQUI PODEDES VER MÁIS FOTIÑOS DESTE DÍA😊
11/2/21
E para celebrar o día do amor e da amizade, esta fermosa árbore chea de corazóns! Están feitos coas nosas mans e pés e outros cunhas pegatinas moi chulas que nos trouxo a profe María de AL e que fixemos con ela.
Cada corazón dos nosos nenos e nenas fai que as nosas raÍces como mestres medren cada día. É tan forte o seu cariño que sempre deixa pegada.
Cando queremos moito a alguén intentamos expresalo, pero como amosa esta marabillosa historia de amor non é algo sinxelo medilo.
PICADE NA IMAXE PARA ESCOITAR O CONTO
Suscribirse a:
Comentarios (Atom)