BOSQUE DOS TRASNOS

Todos levamos dentro a un elfo ou a unha elfa, fadas e  trasnos que buscan tesouros do outono... pero se vedes setas vermellas con puntiños brancos... ESAS NON AS COLLADES! Pois aí viven os TRASNOs! Son moi venenosas e chámanse AMANITAS como unha bruxa da illa. 

Imos ir descubrindo esta Illa máxica, e comezamos cunha carta que nos trae a  profe Espe  de parte de  Madame Dragonfly, a mestra do cole de Illa Fantasía. 

Embarcámonos nesta  aventura axudando a Odonata a atopar tesouros no bosque dos trasnos e comezamos a  busca cunha árbore moi lonxeva e apreciada polos seus froitos, o castiñeiro.

Manipulamos as follas, trazamos a súa forma, facemos estampados, un caracol...